കരാട്ടെ ഒരു വാണിജ്യ സംരംഭമായി മാറിയത് അതിൻ്റെ അടിസ്ഥാന മൂല്യങ്ങളെ ഇല്ലാതാക്കി. ഈ ആയോധനകലയുടെ അടിസ്ഥാന മൂല്യങ്ങൾ രൂപപ്പെടുത്തിയിരിക്കുന്നത് വ്യക്തിത്വ വികസനം, ബഹുമാനം, സമഗ്രത മുതലായവയെ കേന്ദ്രികരിച്ചാണ്. ഇപ്പോൾ ലാഭം ലക്ഷ്യമാക്കിയുള്ള ഒരു കച്ചവടം മാത്രമായി പലയിടത്തും കരാട്ടെ പരിശീലനം മാറിയിരിക്കുന്നു. ഈ പരിവർത്തനം കരാട്ടെയുടെ സമ്പന്നമായ പൈതൃകത്തെ നശിപ്പിക്കുന്നു. വളർച്ചയ്ക്കും വൈദഗ്ധ്യത്തിനുമുള്ള ആജീവനാന്ത അന്വേഷണത്തിനുപകരം, വെറും ഒരു കായിക ഇനം മാത്രം ആയി പലരും കരാട്ടെ മാറ്റിയിരിക്കുന്നു . നിർഭാഗ്യവശാൽ, ആഗോളതലത്തിൽ നിരവധി ഡോജോകളും ഓർഗനൈസേഷനുകളും ഇപ്പോൾ ബുഡോ തത്വങ്ങളെ മാറ്റിനിർത്തി വാണിജ്യവത്കൃതവും കായികാധിഷ്ഠിതവുമായ മത്സര കരാട്ടെ പതിപ്പിന് ഊന്നൽ നൽകുന്നു. ഞങ്ങളുടെ ലക്‌ഷ്യം കരാട്ടെയുടെ അടിസ്ഥാന മൂല്യങ്ങളെ ബഹുമാനിച്ചു അതിന്റെ അന്തസത്ത ചോർന്നു പോകാതെ യഥാർത്ഥ കരാട്ടെ പരിശീലിക്കുക ആണ്. ഈ തത്വങ്ങൾ പ്രചരിപ്പിക്കുന്നതിലും പരിശീലിപ്പിക്കുന്നതിലും ഞങ്ങളുടെ പ്രതിബദ്ധത ഉറച്ചുനിൽക്കുന്നു.